“Kalashnikov” konserni KUB-BLA kamikadze uchuvchisiz samolyoti yaratilgani va sinovlardan muvaffaqiyatli o‘tganini e’lon qildi. Bu haqda “Hitech.news” xabar berdi.
Qurilmaning maketi 17-fevral kuni Abu-Dabida bo‘lib o‘tgan IDEX-2019 qurollar ko‘rgazmasida namoyish etilgan.
Kalashnikovning Zala aero sho‘ba korxonasi tomonidan yaratilgan va ishlab chiqarilgan uchuvchisiz samolyot kuchli qurol bo‘lib, u maqsadga yetib borib portlaydi.
Samolyotning maksimal tezligi soatiga 130 kilometr, ish davomiyligi 30 daqiqa, yuklanishi esa 3 kilogrammni tashkil qilishi mumkin.
“Ushbu qurilmaning quvvati maxfiyligi va relefidan hamda past va balandligidan qat’iy nazar maqsadga yetib boradi. Bu aniq va maksimal samarali qurol bo‘lib, unga nisbatan havo himoyasini ta’minlash juda murakkab sanaladi”, — deydi “Rostex” rahbari Sergey Chemezov.
