Kaliforniyalik multimillionerning o‘g‘li 3,4 mln dollarlik hashamatli uyida ota-onasi va farrosh ayolni o‘ldirdi

Texas shtati Irvin shahridagi tibbiyot laboratoriyasning bosh ijrochi direktori Richard Nikolson o‘zining 3,4 million dollar qiymatga ega uyida vafot etdi. Qotillikni uning 27 yoshli o‘g‘li amalga oshirgan, deya yozadi Forum Daily.

“U klinik laboratoriyalar biznesining katta yetakchilaridan biri edi”, — deydi Kaliforniya klinik laboratoriyalar assotsiatsiyasi prezidenti Maykl Arnold.

Uning so‘zlariga ko‘ra, Nikolson yuqori sifatli laboratoriya tadqiqotlarining himoyachisi edi.

Nyuport-Bich politsiyasi payshanba kuni 64 yoshli Nikolson, uning 61 yoshli rafiqasi Kim va ularning farroshi halok bo‘lganini ma’lum qilgan. Qotillik qanday amalga oshirilgani haqida ma’lumot yo‘q.

Multimillionerning 27 yoshli o‘g‘li Kemden Berton Nikolson asosiy gumondor sifatida qo‘lga olingan. U chorshanba kuni kechki payt politsiyaga qo‘ng‘iroq qilganidan keyin, politsiya Bonita-Kanyondagi uyga borgan va u yerda uch kishining jasadini topgan. Kemden qotillikda ayblanib, hibsga olingan.