9-yanvar, chorshanba kuni futbol bo‘yicha Osiyo Kubogi 1-turining “F” guruhidagi ilk uchrashuvda Yaponiya terma jamoasi Turkmaniston termasi bilan jang qildi.
1-bo‘limning 26-daqiqasida Turkmaniston yarim himoyachisi Arslonmurod Omonov(O‘zbekiston Superligasida “Buxoro” tarkibida faoliyat olib boradi) Yaponiya termasi darvozasiga uzoq masofadan gol urdi (1:0). Jamoalar 0:1 hisobida qisqa tanaffusga yo‘l oldi.
2-bo‘limning 56-daqiqasida Genki Xaraguchi uzatmasini Yuya Osako turkmanlar darvozasiga joylab qo‘ydi va hisobni tenglashtirdi (1:1). Oradan 4 daqiqa o‘tib, Yuya Osako dublga erishdi (2:1). 71-daqiqaga kelib, Ritsu Doan Mammet O‘rozmuhammedov qo‘riqlayotgan darvozani ishg‘ol qildi (3:1). Uchrashuvning 79-daqiqasida Yaponiya termasi darvozaboni raqib o‘yinchisiga qarshi qo‘pol harakati uchun hakam tomonidan yaponlar darvozasi tomon o‘n bir metrlik jarima zarbasi belgilandi va Ahmad Otayev ushbu imkoniyatdan unumli foydalandi (3:2).
Yaponiya musobaqaning dastlabki bellashuvida qiyin va irodali g‘alabani qo‘lga kiritdi.
Eslatib o‘tamiz, musobaqa 1-turining “F” guruhidagi ikkinchi o‘yinida O‘zbekiston terma jamoasi Ummon termasiga qarshi maydonga tushadi. Mazkur o‘yin “Daryo”ning Telegram’dagi rasmiy sport kanalida matnli-onlayn translyatsiya qilinadi. O‘tish uchun HAVOLAni bosing.
Osiyo Kubogi—2019
9-yanvar, chorshanba
“F” guruhi, 1-tur
Yaponiya — Turkmaniston 3:2
Gollar: 0:1 — 26 Arslonmurod Omonov, 1:1 — 56 Yuya Osako, 2:1 — 60 Yuya Osako, 3:1 — 71 Ritsu Doan, 3:2 — 79 Ahmad Otayev.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)