Indoneziyaning Sulavesi shtatining janubi-sharqida o‘lik holda topilgan kashalot qariyb olti kilogramm plastik chiqindini “yeb qo‘ygan”. Bu haqda “RIA Novosti” xabar berdi.
Vakatobi milliy bog‘i jamoasi va Butunjahon yovvoyi tabiat jamg‘armasi tadiqiqotchilari qirg‘oqqa o‘zini otgan 10 metrli kashalotning jasadini topgan.
Xabar berilishicha, tadqiqotchilar hayvonning oshqozonida mingdan ortiq plastik arqon bo‘lagini, 115 ta plastik stakanni, to‘rtta plastik butilkani, 25 ta paketni, ikkita rezina shippakni topgan.
Mutaxassislar hozircha kashalotning o‘limiga plastik chiqindilar sabab bo‘lganini tasdiqlay olmayapti.
Izoh (0)