Kurash. Kumush Yo‘ldosheva Osiyo o‘yinlari—2018 finalida!

Bugun, 30-avgust sanasida Indoneziyaning Jakarta hamda Palembang shaharlarida XVIII yozgi Osiyo o‘yinlari davom etmoqda.

O‘zbek milliy kurashi bo‘yicha -78 kg vazn toifasidagi kurashchi Kumush Yo‘ldosheva yarim finalga chiqqani haqida xabar berilgan edi.

Kumush final yo‘llanmasi uchun Xitoy Taypeyidan bo‘lgan Yang Xsieyenszuga qarshi kurash olib bordi va g‘alabaga erishdi.

Finalda endi u mo‘g‘ulistonlik Otgon Munksetsegga qarshi kurash olib boradi.