AQShning Kollejga qabul bo‘yicha maslahat berish milliy assotsiatsiyasi (NACAC) dunyodagi eng aqlli 50 nafar o‘smirdan iborat reytingni e’lon qildi, deb yozadi UAE Inside. Unda Birlashgan Arab Amirliklarida yashovchi 13 yoshli Adib al Balushiy yetakchilik qildi.
NACAC’ning reytingga bergan izohida aytilishicha, aqlli o‘smir — bu “nafaqat nazariy jihatdan aqlli bo‘lgan, balki o‘z aqliy qobiliyatlarini ko‘plab amaliy, foydali, hayratlanarli maqsadlarda qo‘llagan bola… ular muammolarni hal qiluvchilardir”.
Adib al Balushiy olti yoshida poliomiyelitga chalingan va protez oyoq taqadigan otasiga suzishga yordam beradigan qurilma yasab bergan. So‘ng onasiga uy ishlarida qarashadigan robot yaratishga kirishgan.
Hukumatning moliyaviy ko‘magi ostida Al Balushiy yana beshta ixtironi ishlab chiqdi, ular orasida yo‘lovchining yurak ritmini nazorat qilib, u xavfli tezlikka yetganida shoshilinch tarzda hukumatga ogohlantirish yuboradigan xavfsizlik kamari ham bor.
Izoh (0)