“O‘zbekiston havo yo‘llari” samolyotlari Wi-Fi bilan ta’minlanadi

“O‘zbekiston havo yo‘llari” o‘zining barcha samolyotlarini Wi-Fi bilan jihozlaydi. Bu haqda milliy aviakompaniyadagi manbasiga tayanib, “Podrobno.uz” xabar berdi.

“Joriy yil dekabr oyida aviakompaniyaga Wi-Fi bilan ta’minlangan ikki Airbus A320 neo samolyoti keltirilishi ko‘zda tutilmoqda. Biroq bu bilan kifoyalanmay, yo‘lovchilarga maksimal darajada qulaylik va sharoit yaratish maqsadida barcha havo kemalarini internet bilan ta’minlashni rejalashtirganmiz”, — dedi nashr suhbatdoshi.

Manbaga ko‘ra, samolyotlarni qayta jihozlash Uzbekistan Airways Technics bazasida amalga oshiriladi.