Toshkent shahridagi dehqon bozorlaridan birining xavfsizlik bo‘yicha direktor o‘rinbosari tadbirkorga noqonuniy to‘lov evaziga bozor rastasidan yaxna ichimliklar savdosi uchun joy ajratib berishni va’da qildi. Bu haqda IIBB matbuot xizmati xabar berdi.
IIBB Iqtisodiy xavfsizlik va korrupsiyaga qarshi kurashish bo‘limi xodimlari amalga oshirgan tezkor harakatlar natijasida 63 yoshli T.Abduvali 200 dollar olayotgan vaqtda voqea joyida ushlandi.
Bosh prokuratura huzuridagi Iqtisodiy jinoyatlarga qarshi kurashish departamenti tomonidan ushbu shaxsga nisbatan Jinoyat kodeksining 168-moddasi (“Firibgarlik”) va 211-moddasi (“Pora berish”) bilan jinoiy ish qo‘zg‘atildi.
Tergov ishlari davom etmoqda.
Izoh (0)