Nukus shahar hokimligida shahardagi barcha budjet tashkilotlari rahbarlari va javobgar shaxslari ishtirokida yig‘ilish bo‘lib o‘tdi, deb xabar beradi “KRuz.uz”.
Yig‘ilishda to‘rt sektor rahbarlari ishtirok etdi. Shahar hokimi vazifasini vaqtincha bajaruvchi Paraxat Toreshov bir qator murojaatlarni tinglagach, o‘z fikrlarini bildirib o‘tdi.
“Beshta o‘rinbosarimning har biriga “I love Nukus” yozuvini o‘rnatishni topshiriq berdim. Yaqin kunlarda shahrimizning turli burchaklarida bunday yozuvlar paydo bo‘ladi”, — deydi hokim.
Shuningdek hokim murojaatlarni og‘zaki tarzda qabul qilishga tayyorligini ham ma’lum qildi:
“Qog‘ozbozlik kerak emas. Qaysi tadbirkorni muammosi bo‘lsa oldimga kelsin. Xat yozsa men unga javob yozishim kerak. Bu oraliqda qancha vaqt yo‘qoladi. Nima keragi bor rasmiyatchilikni. Muammosini aytsin o‘rganib chiqib hal qilib beraylik”.
Hokim mini futbol maydonchasi quradigan tadbirkorlarga alohida murojaat qilgan. “Mini futbol maydonchasi quradigan tadbirkorlar bo‘lsa kelsin. Biz qo‘ldan kelgancha yordam berishga tayyormiz”.
Izoh (0)