Vohid Xalilxojich Yaponiya terma jamoasi bosh murabbiyi lavozimini tark etdi, deb yozadi “Sports.ru”
65 yoshli bosniyalik murabbiy JCh-2018 boshlanishiga 2 oy vaqt qolganida ishdan bo‘shatildi. Mazkur murabbiy yaponlarni Rossiyadagi mundialga olib chiqqandi. Yaponiya mart oyi so‘ngida Mali (1:1) Ukraina (1:2) bilan o‘rtoqlik uchrashuvlarini o‘tkazgandi. JCh-2018 ga chiqa olmagan terma jamoalar bilan o‘yinlardagi natijalar rahbariyatga yoqmagan ko‘rinadi. Yaponiya futbol federatsiyasi rahbari Kozo Tashima bugun yangi bosh murabbiy nomi e’lon qilinishini aytib o‘tdi. Asosiy nomzod – Xalilxojichning yordamchisi, Makoto Teguramori. U 2016-yilgi Olimpiada o‘yinlarida Yaponiya terma jamoasiga ustozlik qilgan.
JCh-2018 final bosqichida Yaponiya Kolumbiya, Senegal va Polsha bilan bir guruhdan joy olgan.
Ma’lumot uchun Vohid Xalilxojich 2015-yil martida Yaponiya terma jamoasiga bosh murabbiy etib tayinlangandi. Bosniyalik murabbiy ungacha esa Jazoir termasini boshqargan bo‘lib, ushbu terma jamoa bilan u JCh-2014 da 1/8 finalgacha borib, amaldagi jahon chempionlari Germaniya termasiga mag‘lub bo‘lgandi.
Izoh (0)