Yevropa Ligasining ¼ finali doirasida dastlabki uchrashuvlar bo‘lib o‘tdi.
Germaniyaning “Leypsig” jamoasi o‘z maydonida Fransiyaning “Marsel”ini qabul qilib, jamoa yetakchisi Timo Vernerning o‘yinning 45-daqiqasida kiritgan yagona goli sabab dastlabki bahsni o‘z foydasiga hal qildi.
Londonning “Arsenal”i esa o‘z maydonida Moskva “armiyachilari” — SSKAni qabul qildi. Uchrashuv to‘liq “kanonirlar” ustunligi ostida o‘tdi. Aaron Remzi va Aleksandr Lyakazett 2 tadan gol urishgan bo‘lsa, SSKAning yagona javob goli Aleksandr Golovin tomonidan kiritildi. Hisob 4:1 “Arsenal” foydasiga.
Madridda Diyego Simeone shogirdlari “Atletiko” Lissabonning “Sporting” klubini mehmon qilib, Koke va Antuan Grizmann gollari sabab, g‘alaba qozondi.
Yana bir uchrashuv esa Rimda “Latsio” hamda “Zalsburg” jamoalari o‘rtasida bo‘lib o‘tdi. Gollarga boy bo‘lgan uchrashuvda 4:2 hisobida “Latsio” g‘alaba qozonishga muvaffaq bo‘ldi.
Yevropa Ligasi
¼ final bellashuvlari
5-aprel, payshanba
Izoh (0)