Qashqadaryoda ikki ayol bir haftalik chaqaloqni sotayotganda qo‘lga olindi

Qashqadaryo viloyatining Qarshi tumanida ikki ayol bir haftalik chaqaloqni pullashga urindi. Bu haqda IIV jamoatchilik va OAV bilan aloqalar boshqarmasi ma’lum qildi.

4-mart kuni soat 10:30 larda “Dasht” mahallasida yashovchi 1985-yilda tug‘ilgan M.Abdiyeva va 1999-yilda tug‘ilgan Z.Muzropova Nishon tumanida yashovchi qarindoshi N.Q 25-fevral kuni dunyoga keltirgan o‘g‘il chaqaloqni Quyi Beshkent mahallasida joylashgan “Sher” choyxonasida fuqaro S.B ga sotmoqchi bo‘ldi.

Ayollar chaqaloqni 3 million so‘m evaziga berib yuborayotganda qo‘lga olindi.