Shveysariyaning Jeneva shahridagi Christie's auksion uyida ikkita noyob olmos 48,2 million dollarga sotildi, deb xabar beradi “Korrespondent.net”.
Shunday qilib, og‘irligi 163 qirot bo‘lgan olmos 33,5 million Shveysariya frankiga (33,7 million dollar) sotildi. Auksion katalogida mazkur zargarlik buyumining taxminiy narxi hatto ko‘rsatilmagan edi.
18 ta kichik hajmdagi olmos va nok shakliga ega 66 ta zumraddan iborat taqinchoqqa qo‘yilgan zumrad qirrali 163 qirotli olmos auksionga qo‘yilgan eng yirik qimmatbaho tosh hisoblanadi.
Taqinchoq GRISOGONO zargarlik uyi tomonidan bir nusxada yaratilgan. Olmos 2016-yilda Angoladan topilgan 404 qirotli olmosdan o‘yib olingan edi. Uning tashqi tomoniga ishlov berish uchun 11 oy vaqt talab etildi, bu jarayon ustida esa o‘n nafar ekspert-zargarlar mehnat qildi.
Auksiondagi ikkinchi noyob 19 qirotli Le Grand Mazarin pushti olmosi 14,3 million frank (14,5 million dollar) evaziga sotildi.
Bu toshning tarixi XVII asrga borib taqaladi.
Izoh (0)