Yaponiya imperatori Akixito mamlakat parlamentining quyi palatasini tarqatib yuborish borasidagi farmonga imzo chekdi. Bu haqda vakillar palatasi raisi Tadamori Osima ma’lum qildi, deb xabar berdi “Gazeta.ru”.
“Konstitutsiyaning yettinchi moddasiga asosan quyi palata tarqatib yuborildi”, — deyiladi farmon matnida.
Avvalroq, Yaponiya bosh vaziri Sindzo Abe mamalakat quyi palatasini tarqatib yuborishni rejalashtirayotgani haqida xabar berilgandi.
Yaponiya Konstitutsiyasiga binoan, parlamentning quyi palatasini tarqatib yuborish to‘g‘risidagi qaror bosh vazir tomonidan qabul qilingach, unga imperator tegishli yorliqni qo‘yadi. Shundan keyin hujjat quyi palataning yalpi majlisida o‘qib eshittiriladi va palata tarqatilgan deb hisoblanadi.
Izoh (0)