Olma sirkasi uyingizning yanada tozaroq, bog‘ingizning esa — serhosilroq bo‘lishiga yordam beradi.
Oshxonada
- Sirka va suvni teng miqdorda aralashtiring. Mikrobga qarshi juda ajoyib yuvish vositasiga ega bo‘lasiz. Uni stollar, mikroto‘lqinli pech, plita va boshqa yuzalarni tozalashda ishlatishingiz mumkin.
- Idish yuvuvchi mashina uchun ishlatiladigan yuvish vositasiga ¹⁄₄ piyola sirka qo‘shing. Sirka qahva va vinoning qoramtir dog‘larini tozalaydi.
- Olma sirkasi shuningdek idish yuvadigan mashinani qasmoqlardan ham tozalaydi. Buning uchun uning ichidan hamma idishlarni chiqaring va mashinani ishlating. 2–3 daqiqa o‘tib mashinaning tagi suvga to‘lgandan keyin uning ichiga 1-2 piyola sirka qo‘shing.
Vannaxonada
- Olma sirkasi vannadagi mog‘ordan qutulishga yordam beradi. Buning uchun suv qo‘shilmagan yoki biroz suv qo‘shilgan sirkadan foydalanish mumkin.
- Agar oshxona yoki vannaxonada suv quvuri ifloslanib qolgan bo‘lsa, u yerga yarim piyola soda seping. Keyin bir piyoladan sirka va issiq suv quying. 15 daqiqadan so‘ng ko‘proq suv bilan yuvib yuboring.
- Kir yuvish mashinasini tozalash uchun, kir yuvish kukuniga ikki piyola sirka qo‘shing. Keyin bo‘sh mashinani ishga tushiring.
- Choyshablar toza bo‘lishi va bakteriyalarni yo‘qotish uchun kir yuvishda bir piyola sirka qo‘shing.
Xonada
- Agar stol ustida sham izi qotib qolgan bo‘lsa, avval uni qirtishlab oling. Keyin stol yuzasini suv va olma sirkasi aralashmasiga ho‘llangan latta bilan artib oling.
- Bunday aralashma yordamida deraza va devorlarni dog‘lardan tozalash mumkin.
- Suv qo‘shilmagan olma sirkasi stol ustidagi qoramtir dog‘larni ketkazishga yordam beradi.
- Sirkani ikki osh qoshiq tuz bilan aralashtiring. Hosil bo‘lgan aralashma bilan gilamdagi dog‘larni arting, keyin esa changyutgich yordamida tozalang.
Bog‘da
- Gulzorni yovvoyi o‘tlardan tozalash uchun, ularning ustiga olma sirkasini purkang.
- Sirka — ajoyib o‘g‘it. 30 l suvga 300 g olma sirkasini aralashtiring. O‘g‘it bermoqchi bo‘lgan o‘simliklarni shu aralashma bilan so‘g‘oring.
Izoh (0)