Rossiya prezidenti Vladimir Putin “o‘lim guruhlari” tashkilotchilari nafaqat o‘smirlarni suiqasd qilishga undashini, balki “bundan pul ishlab topishi”ni ham aytdi. Bu haqda u Davlat dumasidagi “Yagona Rossiya” fraksiyasi rahbari Vladimir Vasilyev bilan uchrashuvda aytib o‘tdi, deb yozadi Meduza.
“O‘lim guruhlari” ma’murlari aynan qay tarzda pul ishlab topishiga Putin aniqlik kiritmadi. Uning fikricha, daromad olinishi ular qotillardan hech ham farq qilmasligidan dalolat beradi.
Bunday guruhlarni qidirish bilan shug‘ullanadigan aktivistlar avvalroq suiqasd guruhlari bilan bog‘liq xeshteglarni reklama sahifalarini “aylantirish” uchun qo‘llashlarini ma’lum qilgan edi. Ta’kidlanishicha, bu sxema o‘z joniga qasd qilishga chaqirgani uchun sudlangan Filipp Budeykindan o‘zlashtirilgan, u o‘z so‘zlariga ko‘ra, o‘zining musiqiy guruhini (ijtimoiy tarmoqdagi) reklama qilish uchun “o‘lim guruhi”dan foydalangan.
Izoh (0)