Asian Championship U22. O‘zbekiston 2 kundan keyin BAA, Livan va Nepalga qarshi kurash boshlaydi

Ravshan Haydarov murabbiylik qilayotgan O‘zbekiston U22 terma jamoasi Osiyo chempionatining saralash turnirida ishtirok etish uchun Amirliklarga jo‘nab ketdi, deb yozdi O‘FF matbuot xizmati.

Saralash

15-iyul kuni start oladigan saralashda o‘zbekistonlik futbolchilar mezbon BAA, shuningdek, Livan va Nepal termalariga qarshi kurash olib boradi.

Saralash taqvimi

15-iyul, shanbaO‘zbekiston — LivanBAA — Nepal

17-iyul, dushanbaO‘zbekiston — NepalBAA — Livan

19-iyul, chorshanbaO‘zbekiston — BAALivan — Nepal

Reglament

“Championat.asia” nashri “O‘yinga yarasha tayyorgarlik yoxud yoshlarimiz BAAdan birinchi o‘rin bilan qaytishlari shart” maqolasini chop etdi. Boisi guruhdagi 2-o‘rin termaning Osiyo chempionatidan tushib qolishiga sabab bo‘lishi mumkin.

Osiyo chempionatida qatnashishni 40 ta mamlakat istamoqda. Ular 10 ta guruhga ajratildi. Qit’a chempionatida esa 16 ta termaga joy bor.

Guruh peshqadamlari va eng yaxshi 5 ta 2-o‘rin sohiblari Asian Championship U22 da ishtirok etadi. 16-jamoa musobaqa mezboni Xitoy bo‘ladi. Qiziq tomoni shundaki, xitoyliklar ham saralash o‘yinlarida ishtirok etmoqda. Ularning natijasi qolgan guruh o‘yinlariga o‘z ta’sirini ko‘rsatishi mumkin.

Tayyorgarlik

Ravshan Haydarov O‘zbekiston termasiga boshchi bo‘lganidan buyon futbolchilar 6 ta o‘yinda maydonga tushdi. Shularning 4 tasi Qatardagi xalqaro turnirga to‘g‘ri keladi. Unda O‘zbekiston g‘oliblikni qo‘lga kiritgandi.

27-may, shanba

O‘zbekiston — Rossiya 3:4

13-iyun, seshanba

Xitoy — O‘zbekiston 3:2

1-iyul, shanba

Qirg‘iziston — O‘zbekiston 0:1

2-iyul, yakshanba

Qatar — O‘zbekiston 0:1

5-iyul, chorshanba

O‘zbekiston — Qirg‘iziston 2:0

6-iyul, payshanba

O‘zbekiston — Qatar 1:1

Tarkib

Ravshan Haydarov Amirliklarga 22 futbolchi bilan yo‘l oldi. Qatarga ham shuncha futbolchi borgandi. Biroq Osiyo chempionati saralash bosqichiga ketish oldidan Haydarov tarkibda beshta o‘zgarishni amalga oshirdi.

Sarvar Karimov, Xushnudbek Avilov, Oybek Rustamov, Mirjamol Qosimov va Sardor Azimov Toshkentda qoldi. Ularning o‘rniga Umid Hamroyev, Akrom Komilov, Aziz G‘aniyev, Odil Hamrobekov va Nurillo To‘xtasinov BAAga yo‘l oldi.

Darvozabonlar

• Botirali Ergashev — “Paxtakor”
• Dilshod Hamroyev — “Bunyodkor”
• Umid Hamroyev — “Nasaf”

Himoyachilar

• Abbos Otaxonov — “Paxtakor”
• Hojiakbar Alijonov — “Paxtakor”
• Akrom Komilov — “Bunyodkor”
• Xurshid G‘iyosov — “Bunyodkor”
• Xusniddin G‘ofurov — “Neftchi”
• Doston Tursunov — “Metallurg”
• Islom Qobilov — “Metallurg”
• Abdujamol Isroilov — “Dinamo”

Yarim himoyachilar

• Jasur Yaxshiboyev — “Paxtakor”
• Nurillo To‘xtasinov — “Bunyodkor”
• Aziz G‘aniyev — “Nasaf”
• Doniyor Narzullayev — “Nasaf”
• Odil Hamrobekov — “Nasaf”
• Sharof Muhiddinov — “Nasaf”
• Javohir Siddiqov — “Qo‘qon-1912”

Hujumchilar

• Zabihillo O‘rinboyev — “Paxtakor”
• Bobir Abduxoliqov — “Nasaf”
• Behzod G‘anijonov — “Qizilqum”
• Andrey Sidorov — “Qo‘qon-1912”