Qirg‘izistonga Niderlandiya veloelchixonasi (Cycling Embassy)dan kelgan vakillar shaharni qanday qilib xavfsiz qilish borasidagi fikrlari bilan bo‘lishdi, deb yozadi KNews. Erik Tetteru va Syers van Dyuren shaharlarni rejalashtirish bo‘yicha ekspertlardir.
Ularning aytishicha, Niderlandiyada ham qachonlardir yo‘l qurish uchun daraxtlar kesilgan, uy va binolar buzilgan. Avtomobil ishqibozlari hayotini yanada qulaylashtirish uchun hatto kanallar ham ko‘mib tashlangan.
“Ammo biz hozir teskari yo‘ldan ketyapmiz: avtomobil yo‘llarini yo‘q qilib, qaytadan daraxtlar ekyapmiz yoki suv uchun kanallar qaziyapmiz. Odamlar shuni tushunib yetdiki, avtomobillar uchun sharoitlar yaratishga emas, odamlar hayotini qulaylashtirishga harakat qilish kerak. Mana shuning uchun bugungi kunda niderlandiyalik odam do‘konga borib kelish uchun avtomobil emas, velosipeddan foydalanadi”, — dedi ekspertlar.
Izoh (0)