AQSh HDK parashyutchisi Gudzon bo‘ylab sakrash chog‘ida halok bo‘ldi

AQSh Harbiy-dengiz kuchlarining elita parashyut guruhi a’zosi 28-may, yakshanba kuni Amerikaning Jersi-Siti (Nyu-Jersi shtati) shahridagi bayram tadbirida sakrash chog‘ida halok bo‘ldi. Bu haqda Harbiy-dengiz kuchlari vakillari ma’lum qildi, deb yozadi “TASS”.

Hodisa Nyu-York qo‘ltig‘i yaqinida joylashgan Liberti bog‘i yaqinida yuz berdi va Flot haftaligiga to‘g‘ri keldi. Noma’lum sabablarga ko‘ra harbiy xizmatchining parashyuti ochilmadi va u Gudzon daryosi etagidagi kanal suviga quladi.

Ismi oshkor etilmagan parashyutchi shifoxonaga yetkazildi, u yerda shifokorlar uning halok bo‘lganligini qayd etdi. AQSh Harbiy-dengiz kuchlari va huquq-tartibot organlari surishtiruv o‘tkazmoqda.