Finalga chiqqan 9 o‘zbekistonlik bokschining 4 nafari bugun oltin medal uchun jang qiladi

Toshkentda davom etayotgan boks bo‘yicha Osiyo chempionatida bugun — 6-may kuni o‘zbekistonlik to‘rt bokschi final jangida ringga chiqadi.

Hal qiluvchi bellashuvga qadar ketma-ket uch raqibini nokaut etgan Murod Ahmadaliyev “O‘zbekiston” sport majmuasi arenasiga 14:30 da chiqib keladi.

Shundan keyin yana uch nafar o‘zbekistonlik Hindiston, Janubiy Koreya va Qozog‘iston sportchilariga qarshi ringga tushadi.

18:45 da Sanjar Tursunov Jahon chempionati yo‘llanmasi uchun ringga chiqadi. U chorak finalda Olimpiada sovrindori bo‘lgan qozog‘istonlik raqibiga imkoniyatni boy berib, qolgan 9 o‘zbekistonlik sherigidan ajralib qolgandi. Endi unda Germaniyadagi mundial uchun so‘nggi imkoniyat bor.

6-may kungi janglar

Finallar-56 kg: Murod Ahmadaliyev — Jiavei Jang (Xitoy) — 14:30-60 kg: Elnur Abduraimov — Shiva Tapa (Hindiston) — 15:10-75 kg: Isroil Madrimov — Dong Yun Li (Janubiy Koreya) — 16:00-81 kg: Bektemir Meliqo‘ziyev — Yerik Aljanov (Qozog‘iston) — 18:30

Pley-off-91 kg: Sanjar Tursunov — Salar G‘ulomiy (Eron) — 18:45