“Ayaks” Yevropa ligasining finaliga qadam tashladi. Bugun “Selta” — “Manchester Yunayted”

Futbol bo‘yicha Yevropa ligasi turniri yarim finalidan o‘rin olgan birinchi uchrashuvda Gollandiyaning “Ayaks” klubi Fransiyaning “Lion”i ustidan yirik g‘alabaga erishdi — 4:1.

“Ayaks” 2003-yildan buyon yevrokuboklarning hatto chorak finaliga qadar yetib kela olmayotgandi. Endi esa Amsterdam klubi bir yo‘la final ostonasida turibdi.

Yarim finalning ikkinchi o‘yini bugun — 4-may kuni Vigoda o‘tib, unda Ispaniyaning “Selta” klubi “Manchester Yuneyted”ga qarshi saf tortadi.

Yevropa ligasi Yarim final 3-may, chorshanba

“Ayaks” — “Lion” 4:1

Gollar: Bertran Traore, 25 (1:0). Kasper Dolberg, 34 (2:0). Amin Yunes, 49 (3:0). Matye Valbuena, 66 (3:1). Bertran Traore, 71 (4:1).

4-may, payshanba
“Selta” — “Manchester Yunayted”