Moskvada bo‘lib o‘tgan Vladimir Kraynev nomli II pianinochilar xalqaro tanlovida O‘zbekistondan Samarqand shahridagi 1-bolalar musiqa va san’at maktabi 5-sinf o‘quvchisi Darya Axtamova ishtirok etdi. Bu haqda “Samarkandskiy vestnik” xabar bermoqda.
Tanlovda AQSh, Xitoy, Ukraina, Gruziya, Sloveniya, Ozarbayjon, Yaponiya va Janubiy Koreyadan kelgan 120 nafar yosh sozanda ishtirok etdi.
Bax, Motsart, Shopen, M. Mashkovskiy va K. Cherni asarlaridan iborat murakkab dasturni ijro etgan Darya nufuzli hakamlar hay’ati tomonidan e’tirof etildi va Vladimir Spivakov fondi iqtidorli bolalar ro‘yxatiga kiritildi. U mart oyi oxirida xalqaro tanlovning uchinchi bosqichida qatnashadi.
Izoh (0)