Portugaliya terma jamoasi va Madridning “Real” klubi hujumchisi Krishtianu Ronaldu Facebook sahifasi orqali Suriyada yashayotgan bolakaylar uchun murojaat qilib, ularga dalda bo‘lgandi.
O‘zning videomurojaatida Ronaldu shunday degandi:
“Salom. Bu so‘zlarim suriyalik bolalar uchun. Bilamiz, siz ko‘p qiyin kunlarni boshdan kechirdingiz. Men juda mashhur futbolchiman, biroq sizlar — haqiqiy qahramonsiz! Siz, taslim bo‘lmang, umidni yo‘qotmang! Butun dunyo sizlar bilan! Biz siz haqingizda qayg‘uramiz! Va men ham siz bilanman!”
Ronalduning videomurojaati tez orada Suriyada qiyinchilikda hayot kechirayotgan bolalarga qadar yetib bordi. “Sports.ru” esa ularning Krishtianudan minnatdor bo‘lib turgan suratlarini namoyish qildi.
Avvalroq Krishtianu Ronaldu insoniy sifatlari uchun Falastinda yil odami deya tan olingandi.
Izoh (0)