Avstraliyalik 4 nafar qiz havo bilan shishirilgan flamingo, dinozavr va yakkashoxda tasodifan ochiq dengizga suzib ketdi
Avstraliyaning Viktoriya shtatida maktab o‘quvchisi bo‘lgan 4 nafar qiz ta’til vaqtida havo bilan shishirilgan flamingo, dinozavr va yakkashoxda tasodifan ochiq dengizga suzib ketdi, deb xabar bermoqda TJournal.
Ochiq dengizda qizlarni do‘sti bilan kalmarlarni ovlayotgan mahalliy baliqchi Aleks King aniqlandi. Bu paytda qizlar sohildan qariyb yarim kilometr – akulalar uchrab turadigan uzoqlikka borib qolgandi. Baliqchi qizlarni quruqlikka eson-omon eltib qo‘ydi.
Keyinroq qizlardan birining ma’lum qilishicha, ular Instagram’dagi sahifasi uchun qiziqarli suratlar olmoqchi bo‘lgan edi. Ammo qarama-qarshi shamol va suvning ko‘tarilishi qizlarning ochiq dengizga chiqib ketishiga sabab bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
