Boliviyadan Kolumbiyaga uchib kelayotgan va bortida 72 nafar yo‘lovchi bo‘lgan samolyotning qulagani haqida xabar berilgan bo‘lib, yo‘lovchilar orasida Braziliyaning “Shapekoense” klubi futbolchilari bo‘lgani taxmin qilingandi.
“Sports.ru” nashri bortda chindan ham 27 nafar futbolchi bor ekani haqida ma’lumot berdi. “Shapekoense” futbolchilari 1-dekabr kuni Kopa Sudamerikano musobaqasi doirasida “Atletiko Nasyonal” klubiga qarshi maydonga tushishi kerak bo‘lgan.
Qayd etish kerak, Kopa Sudamerikano Janubiy Amerika mintaqasi klublari o‘rtasidagi Kopa Libertadores turniridan keyin nufuzi jihatdan ikkinchi o‘rinda turadigan musobaqadir.
“Shapekoense” 20 ta jamoa ishtirok etadigan Braziliya A seriyasida 37-turdan keyin 9-o‘rinni egallab turgandi. Mana shu klub futbolchilari qatorida uning o‘yinini yoritish maqsadida safarga chiqqan jurnalistlar ham halok bo‘lgan.
Izoh (0)