“Chempionat”ning El Pais nashriga asoslanib xabar berishicha, Ispaniya prokuraturasi “Barselona” sobiq hujumchisi Samuel Eto’Oni 10 yilga ozodlikdan mahrum qilish talabi bilan chiqdi. Shuningdek, uning bo‘yniga 14 million yevro jarima ham qo‘yilgan.

Boisi futbolchi 2006—2009-yillar davomida taxminan 3,5 million yevrolik soliq to‘lamagan. Aytilishicha, Eto’O Ispaniya va Vengriyadagi kompaniyalarda ro‘yxatdan o‘tgan bo‘lib, ulardan “Barselona”dagi tushumlari va Puma bilan reklama shartnomasidan keladigan daromad yo‘lida foydalangan. Bu esa topilgan daromaddan to‘lanishi kerak bo‘lgan umumiy soliq qiymatining kamayishiga olib kelgan.

Shuningdek, Eto’Oning sobiq agenti Xosep Mariya Meselesga ham ayblov e’lon qilingan. Avvalroq futbolchining o‘zi mana shu agentidan kuyib qolgani haqida aytib o‘tgandi.