Avstraliyaning Yangi Janubiy Uels shtatida avtomobilni boshqarib ketayotgan erkak o‘rgimchakdan qo‘rqib ketdi va kutilmaganda ko‘lga tushib ketdi. Bu haqda Port Macquarie News portali ma’lum qildi.
Ismi oshkor etilmagan erkak mashinada qurilish materiallari olish uchun yo‘lga chiqqan. Uyga qaytishda esa qo‘lida o‘rgimchakni ko‘rib qolib, vahimaga tushgan. Avstraliyalik yo‘l chetiga chiqishga harakat qilgan, biroq transport vositasini to‘xtatishning o‘rniga adashib gazni bosib yuborgan. Oqibatda avtomobil ko‘lga tushib ketgan.
Haydovchi cho‘kayotgan mashinadan ochiq deraza orqali chiqishga muvaffaq bo‘lgan. Uning hayoti xavf ostida emas.
Izoh (0)