BMTning amaldagi bosh kotibi Pan Gi Mun Antoniu Guterrishni uning o‘rnini egallash uchun eng yaxshi tanlov deb baholadi. Bu haqda u Rimda Italiya prezidenti Serjo Mattarella bilan bo‘lib o‘tgan uchrashuv yakunlariga ko‘ra bayonot berdi, deb xabar qiladi “TASS”.
“Men Guterrishni yaxshi bilaman va uni ajoyib tanlov deb hisoblayman”, — uning so‘zlarini keltiradi AFP.
Eslatib o‘tamiz, Guterrish BMT bosh kotibi saylovining birinchi bosqichida g‘alaba qozongan edi. U oxirgi oylarda BMT Xavfsizlik Kengashida o‘tkazilgan barcha ovoz berishlarda ketma-ket g‘olib bo‘ldi. Guterrish nomzodi Xavfsizlik Kengashida rasman tasdiqlanganidan so‘ng u Bosh Assambleyaga taklif etiladi.
