Suriya hukumati Kimyoviy qurollarni taqiqlash bo‘yicha tashkilot (KQTT) va BMT bilan mamlakatdagi nizo chog‘ida zaharlovchi moddalarni qo‘llash orqali qilingan hujumni tekshirish doirasida hamkorlikni davom ettirishga tayyor. Bu haqda Suriya tashqi ishlar vaziri Valid Muallim BMT Bosh Assambleyasi umumsiyosiy munozaralarida aytib o‘tdi, deb yozadi “TASS”.
U mamlakat hukumati “BMT va KQTT bilan hamkorlikda Suriyadagi barcha kimyoviy qurollarni samarali va mas’uliyatli tarzda yo‘q qilganini ta’kidladi.
“AQSh rahbarligidagi koalitsiya tomonidan 17-sentabr kuni Deyr-az-Zordagi Suriya armiyasi pozitsiyalariga berilgan aviazarba shuni isbotlaydiki, Vashington va uning ittifoqdoshlari IShID va boshqa terrorchilik tashkilotlari jinoyatlariga sherikdir”, — deya qo‘shib qo‘ydi Muallim.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)