Ispaniyalik olimlar sichqonlarda Alsgeymer kasalligi rivojlanishini to‘xtatuvchi molekulani yaratdi

Ispaniyalik olimlar sichqonlarda Alsgeymer kasalligi rivojlanishini to‘xtatuvchi molekulani yaratdi. Bu haqda “TASS” xabar bermoqda.

Europa Press ma’lumotiga ko‘ra, kashfiyot Madridning Komplutense va Barselonaning Avtonom universitetlari mutaxassislariga tegishli.

ASS234 nomini olgan yangi molekulani avval ma’lum bo‘lgan ikki zarrani gibridlash yordamida yaratishga muvaffaq bo‘lindi.

Mazkur molekula irsiy jihatdan modifikatsiya qilingan sichqonlarda Alsgeymer kasalligi (xotira, nutq va mantiqiy fikrlashning susayishi) rivojlanishini to‘xtatish va ushbu kasallik alomatlari bilan kurashishda yordam berishi bildirilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.