“Qit’a Xitoyidagi ko‘chmas mulk qiroli” Van Szyanlinning o‘g‘li, 28 yoshli Van Sitsun o‘zining Koko laqabli malamut zotli iti uchun sakkizta iPhone 7 sotib oldi, deb yozadi TJournal.
Xitoyning Weibo ijtimoiy tarmog‘ida itning o‘z akkaunti bo‘lib, unga 1,9 million kishi obuna bo‘lgan. iPhone 7 sotuvga chiqqan birinchi kuni itning ichida smartfoni bor deb taxmin qilingan qutilar bilan tushgan surati e’lon qilindi.
Bir yil avval Van Sitsun o‘z itiga har biri 12 ming dollarlik ikkita Apple tilla soatlarini olib bergan edi.
Van Sitsun — muvaffaqiyatli biznesmen va 30 yoshgacha bo‘lgan eng badavlat xitoylik tadbirkorlardan biri. U Singapur va Londonda o‘qigan bo‘lib, Forbes versiyasiga ko‘ra, 24,2 milliard dollar davlati bilan Xitoydagi eng boy kishi bo‘lgan otasining yagona merosxo‘ridir.
Izoh (0)