Venesuelaning “Truxilyanos” futbol klubi avtobusiga qurollangan shaxslar hujum qildi

Venesuelada qurollangan shaxslar talon-toroj qilish maqsadida mahalliy “Truxilyanos” futbol klubi avtobusiga hujum qildi, deb xabar bermoqda “TASS”.

Hodisa 19-sentabr, dushanba kuni Boka de Uchire shahri hududida sodir bo‘ldi. Jamoa “Monagas” klubiga qarshi milliy chempionat doirasidagi o‘yinga yo‘l olgan edi.

Qurollangan olti kishi avtobusni to‘xtatib, avtobusga chiqqan va futbolchilar bilan birga bir necha kilometr chekka joyga borgan. So‘ng avtobusda bo‘lganlarning barcha qimmatbaho buyumlari — sport kiyimlari, videokamera, noutbuk va boshqa narsalarni olib ketdi.

Xabar berishlaricha, o‘g‘rilar futbolchilarni avtobusda ikki soatdan ortiq vaqt davomida ushlab turgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.