Italiya markazida ro‘y bergan zilzila qurbonlari soni 84 kishiga yetdi. Bu haqda “Interfaks” xabar bermoqda.
Ilgariroq 73 kishi halok bo‘lgani bildirilgan edi.
Aytilishicha, Marke viloyatida 24 kishi, Latsio viloyatidagi Amatriche va Akkumoli shaharlarida esa 60 kishi halok bo‘ldi.
Zilzila Italiya markazida mahalliy vaqt bilan 03:36 da (Toshkent vaqti bilan 06:36 da) sodir bo‘ldi. 6,0 magnitudali yer silkinishi epitsentri Riyeti provinsiyasida 4 km chuqurlikda joylashgan edi.
