Toshkent viloyatidagi avtomobillar gaz quyish shoxobchasida portlash yuz berdi

Toshkent viloyatining Ozodbosh qo‘rg‘onidagi avtomobillar gaz quyish shoxobchasida portlash yuz berdi. Bu haqda Facebook’dagi “Voditeli Tashkenta” guruhida fotoxabar qoldirilgan.

Hodisa oqibatida tan jarohati olib, jabrlangan shaxslar haqida aniq ma’lumot yo‘q. Hodisa oqibatida ikki Damas va ikki Lacetti avtomobiliga zarar yetgani aytilmoqda.

Xabar berishlaricha, portlash shoxobchaga kirgan Damas’lardan birining gaz-ballon uskunasi bosimga dosh bera olmagani oqibatida yuz bergan.

Ushbu hodisa yuzasidan hozircha rasmiy axborot berilgani yo‘q.

• Andijonda avtomobillarga gaz quyish shoxobchasida portlash sodir bo‘ldi

• Qo‘qonda avtomobillarni gaz bilan to‘ldirish shoxobchasi portladi

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.