14-avgust kuni Riodagi Olimpiada o‘yinlarida xitoylik olimpiya sportchisi Sin Kai mukofot topshirish marosimida mamlakat terma jamoasidagi hamkasbi Xe Sziga turmush qurish taklifini bildirdi, deb yozadi TJournal.
Sportchi qiz kutilmagan vaziyatdan ko‘ziga yosh oldi va rozi bo‘ldi.
Nashr eslatishicha, Sin Kai Riodagi Olimpiada o‘yinlarida tramplindan suvga sinxron tarzda sakrash bo‘yicha musobaqada bronza medalini, Xe Szi esa suvga uch metrli tramplindan sakrash bo‘yicha kumush medalini qo‘lga kiritgan.
