14-avgust sanasi Rio—2016 Olimpiadasida ishtirok etayotgan o‘zbekistonlik bokschilar uchun omadli keldi. Kunning birinchi jangida Fazliddin G‘oibnazarov raqibini mag‘lub etgan bo‘lsa, keyinroq Hasanboy Do‘stmatov Olimpiadaning oltin medallarini qo‘lga kiritgandi.

Hisob bo‘yicha uchinchi jangni Murod Ahmadaliyev o‘z foydasiga hal qildi. 56 kilogrammgacha bo‘lgan sportchilar o‘rtasidagi musobaqada O‘zbekiston sharafini himoya qilayotgan bokschi qozog‘istonlik Qayrat Yeraliyevni har uchala raundda ham mag‘lub etdi.

U chorak final jangini 17-avgust kuni argentinalik Alberto Melianga qarshi o‘tkazadi. Mazkur bellashuvdagi g‘alaba o‘zbekistonlik sportchi uchun minimum bronza medalini kafolatlaydi.