Yevroittifoqdagilar Shotlandiya mustaqil bo‘lgan taqdirda, uning ittifoqqa qo‘shilishini ma’qullaydi. Bu haqda Germaniya parlamentining Yevroittifoq ishlari bo‘yicha qo‘mitasi raisi Gyunter Krixbaum ma’lum qildi, deb yozadi “RBK”.
“Umid qilishimcha, Shotlandiya mustaqilligi haqidagi yangi referendumdan so‘ng, Yevroittifoq hamon 28 ta davlatdan iborat bo‘ladi”, — dedi Krixbaum, Yevroittifoq “o‘zi uchun do‘stona mamlakat”dan unga qo‘shilish uchun berilgan so‘rovga tezkorlik bilan javob qilishi kerakligini ta’kidlar ekan.
Shotlandiya qishloq xo‘jalik vaziri Fergyus Eving, o‘z navbatida, Fransiya, Germaniya va irlandiyalik hamkasblari bilan mamlakatning Yevroittifoqqa qo‘shilishi haqida norasmiy muzokaralar olib borganini aytib berdi. “So‘nggi 24 soat ichida Yevropaning oliy amaldor shaxslari Shotlandiyani Yevroittifoqqa a’zo bo‘lgan 28-davlat sifatida ko‘rishni istashini bildirdi”, — dedi u, amaldorlar kimligiga aniqlik kiritmasdan turib.
Avvalroq Shotlandiya hukumati Buyuk Britaniya tarkibidan chiqish bo‘yicha qayta referendum o‘tkazish bo‘yicha qonun loyihasini taqdim etishga tayyorgarlik ko‘rayotgani xabar berilgan edi.
Izoh (0)