Tramp senator Sanders bilan bahslarda ishtirok etishdan bosh tortdi

Respublikachilar partiyasidan AQSh prezidentligiga nomzod bo‘lib ilgari surilishini ta’minlagan milliarder Donald Tramp demokratlar o‘rtasida Hillari Klintonga imkoniyatni boy berayotgan senator Berni Sanders bilan bahslardan bosh tortdi. Bu haqda “RBK” xabar bermoqda.

Oldinroq Hillari Klinton ham senator bilan bahsda ishtirok etishdan voz kechgandi.

Tramp demokratlar o‘rtasidagi dastlabki ovoz berish jarayonida ikkinchi o‘rinda ketayotgan nomzod bilan bahs yuritishni “o‘rinsiz” deb atadi. Vaholanki, kuni kecha u Sanders bilan muloqotda bo‘lish istagi haqida ma’lum qilgandi.

Trampning qaroridan Sandersning hafsalasi pir bo‘ldi, biroq milliarder yana o‘z qarorini o‘zgartirishiga umid bildirdi.