Londonning ICE Futures birjasida iyunda yetkazib beriladigan Brent turidagi neft narxi 28-aprel, payshanba kechki payt 0,34 dollarga oshib (0,72%), bir barreli uchun 47,52 dollarga yetgan. Bu haqda “Interfaks” xabar bermoqda.
Nyu-York tovar birjasidagi savdolar chog‘ida WTI turidagi neftning iyun fyucherslari 0,09 dollarga ko‘tarilgan (0,20%) va bir barreli uchun 45,42 dollarni tashkil etgan.
O‘tgan hafta yakunlari bo‘yicha AQShda neft qazib olish hajmi 0,2 foizga, sutkasiga 8,938 million barrelgacha pasaygan. Bu 2014-yil oktabridan beri eng past ko‘rsatkich hisoblanadi. Ekspertlar mazkur holat neft narxi ko‘tarilishiga turtki berishi mumkinligini taxmin qilmoqda.
Izoh (0)