“Atletiko”ning olti nafar futbolchisi YeChLda haftaning ramziy jamoasidan joy oldi

UEFA rasmiy sayti Yevropa Chempionlar Ligasida haftaning ramziy jamoasini aniqladi.

Mazkur ramziy jamoaga “Atletiko”dan olti, “Manchester Siti”dan uch, “Real”dan ikki nafar futbolchi kiritildi. “Bavariya”ning esa bironta ham futbolchisi ramziy jamoadan joy olmadi.

Davrozabon: Jo Xart (“Manchester Siti”).

Himoyachilar: Filipe Luis (“Atletiko”), Pepe (“Real”), Vensan Kompani (“Manchester Siti”), Xuanfran (“Atletiko”).

Yarim himoyachilar: Karlos Kasemiro (“Real”), Augusto Fernandes (“Atletiko”), Fernandinyo (“Manchester Siti”), Saul (“Atletiko”).

Hujumchilar: Antuan Grizmann (“Atletiko”), Fernando Torres (“Atletiko”).

Eslatib o‘tamiz, Yevropa Chempionlar Ligasi yarim final dastlabki o‘yinida “Real” safarda “Manchester Siti” bilan 0:0 hisobida durang qayd etdi. “Atletiko” esa o‘z maydonida “Bavariya”ni 1:0 hisobida yengdi.