Yevropa Chempionlar Ligasi yarim finali doirasidagi “Real”ga qarshi o‘yindan keyin “Manchester Siti” sardori Vensan Kompani o‘z fikrlari bilan o‘rtoqlashdi, deb xabar berdi “Chempionat”.

“0:0 — juda xavfli hisob. Agar javob o‘yinida gol ura olsak, hammasi o‘zgarib ketadi. “Real”dek hujumkor jamoadan gol o‘tkazib yubormaslik mushkul vazifa. Biz esa birinchi o‘yinda buni uddalay olganimizdan faxrlanishimiz kerak”, — deb ta’kidladi Kompani.

• “Real” Chempionlar Ligasi yarim finalida “Manchester Siti”ni mag‘lub eta olmadi

“Real” va “Manchester Siti” klublari o‘rtasidagi javob o‘yini 4-may kuni “Santyago Bernabeu” stadionida bo‘lib o‘tadi. Qayd etish kerak, Chempionlar Ligasining joriy mavsumi hisobidan “Real” o‘z maydonida gol o‘tkazib yubormagan.