Ganada avtobus ishtirokidagi YTH oqibatida kamida 53 kishi halok bo‘ldi

G‘arbiy Afrikadagi Gana Respublikasida avtobus ishtirokidagi yo‘l-transport hodisasi oqibatida kamida 53 kishi halok bo‘ldi. Bu haqda Reuters bergan ma’lumotlarga asosan “RIA Novosti” xabar qilmoqda.

Hodisa mamlakat poytaxti Akkra shahridan 420 kilometr uzoqlikdagi shosseda kechasi yuz bergan. Yo‘lovchi avtobusi ro‘paradan kelgan yuk tashuvchi avtomashina bilan to‘qnashib ketgan.

Politsiya voqea tafsilotlariga aniqlik kiritmoqda.