Koreya Respublikasi o‘z fuqarolarini KXDR bilan qo‘shma Keson sanoat kompleksidan evakuatsiya qilishni boshladi. Bu haqda “Ryonxap” agentligi ma’lumotiga tayanib, “TASS” xabar beradi.
“Shimoliy Koreya Seulning o‘z fuqarolarini Kesondan evakuatsiya qilish haqidagi rejasiga ruxsat bergan ekan, Janubiy koreyalik xodimlar kompleks hududiga erkin kirishi va uni tark etishi mumkin”, — dedi Koreya Respublikasi birlashish vazirligi vakili.
10-fevral, chorshanba kuni boshqarma Pxenyanning 6-yanvar kuni yadro sinovi o‘tkazganligi va 7-fevral kuni tashuvchi raketani uchirganligiga javoban Keson kompleksidagi ish jarayonining to‘xtatilishi haqida e’lon qilgan edi.
“Kompleks faoliyatidan Shimoliy Koreya ommaviy qirg‘in qurollarini ishlab chiqarish uchun foydalanmasligi zarur”, — deb ta’kidladi boshqarmaning rasmiy vakili.
