“Chegara bilmas shifokorlar” Suriyaning Madaya shahrida ochlik tufayli 16 kishi nobud bo‘lganini ma’lum qildi

Suriyaning qamal holatida qolgan Madaya shahrida yanvar oyi o‘rtalarida gumanitar yordam yetkazib berilganidan keyin ham kamida 16 kishi ochlikdan nobud bo‘ldi. Shaharda 320 kishida ochlik holati kuzatilgan, ulardan 33 nafarining holati o‘ta og‘ir. Bu haqda “Chegara bilmas shifokorlar” xalqaro tashkiloti vakillari ma’lum qildi, deya xabar beradi “RBK”.

Ma’lumotlarga ko‘ra, Suriyada hukumat qo‘shinlari va muxolifat bo‘linmalari tomonidan qamalga olingan hududlarda 1,5—2 million atrofida tinch aholi vakillari istiqomat qilmoqda. Ularning aksariyati tibbiy yordam va oziq-ovqat mahsulotlaridan mahrum etilgan, evakuatsiya qilinishlariga ham imkon berilmagan.