Apple kompaniyasi AQSh va Osiyodagi sheriklari bilan simsiz zaryadka funksiyasi ustida ish olib bormoqda, u 2017-yilgi iPhone modeliga qo‘shilishi rejalashtirilmoqda, deb yozadi TJournal Bloomberg’ga tayanib.
Kompaniya tomonidan ishlab chiqilayotgan texnologiya sharofati bilan smartfonni maxsus taglikka qo‘yish kerak bo‘lmaydi. Quvvat olish jarayoni masofadan turib amalga oshadi.
Ayni paytda Apple bunday tarzda quvvatlanish chog‘ida yuzaga keladigan texnik qiyinchiliklarni hal etish bilan band, chunonchi, uzatuvchi va qabul qiluvchi bir-biridan uzoqlashtirilganda yo‘qotiladigan energiya hajmini qisqartirishga urinmoqda.
Ayni paytda Apple’ning simsiz zaryadkaga ega yagona qurilmasi Apple Watch’dir, biroq buning uchun soat maxsus magnitlangan taglikka tegib turishi kerak.
Izoh (0)