Kamida 54 nafar jurnalist 2015-yil boshidan buyon turli mamlakatlarda garovga olingan, deya xabar bermoqda “Interfaks” “Chegara bilmas muxbirlar” huquqni himoya qilish tashkilotining yillik ma’ruzasiga tayanib.
Ushbu raqam o‘tgan yilgiga nisbatan 35 foizga ko‘paygan, o‘shanda 40 nafar OAV vakili garovga tushgan edi.
Jurnalistlarning garovga olinish holatlari bu yil eng ko‘p Suriyada qayd etildi. U yerda jami 26 kishi garovda tutilgan, shulardan 18 kishi IShID terrorchilik guruhi jangarilari qo‘liga tushgan. Bunday holatlarning qolgani Yaman, Iroq va Liviyada kuzatilgan.
Izoh (0)