Amerika Harbiy havo kuchlari yanglishib 11 nafar afg‘on politsiyachisini o‘ldirdi

Amerika Harbiy havo kuchlari aviahujumi natijasida kamida 11 nafar afg‘on politsiyachisi halok bo‘ldi. Bu haqda Interfax xabar beradi.

Hujum 6-sentabr, yakshanba kuni mamlakatning janubiy qismida joylashgan giyohvand moddalarga qarshi kurashish bo‘linmasiga nisbatan uyushtirilgan. Guruh jami 30 nafar xodimdan iborat bo‘lib, ularning bir qismi yaralangan.

Afg‘oniston Ichki ishlar vazirligi hodisani afg‘on va Amerika qurolli kuchlari harakatlarining yetarli darajada muvofiqlashtirilmaganligi oqibati deb hisoblamoqda.