2004-yilgi Olimpiada chempioni, amerikalik sprinter Jastin Getlin matbuot uni yovuzlik bilan taqqoslagani uchun Britaniya OAVlariga boykot e’lon qildi, deya xabar bermoqda The Guardian sportchining agentiga tayanib.
“Jastin, xuddi men kabi, Britaniya OAVlari u haqda noxolis fikr bildirmoqda, deb o‘ylaydi. So‘nggi paytlarda ular u haqda yaxshi gaplar gapirmayapti. Hadeb doping haqida eslamoqda”, — deya aniqlik kiritdi Getlinning vakili.
Yengil atletikachining noroziligiga britaniyalik jurnalistlarning maqola va mulohazalari sabab bo‘ldi. Xususan, The Guardian nashrida e’lon qilingan maqola sportchiga xush kelmadi, unda Pekindagi jahon chempionatida Getlinning yamaykalik Useyn Bolt bilan kurashi “yaxshilik va yovuzlik o‘rtasidagi jang” deb atalgan, bunda 2006-yildagi doping shov-shuvi nazarda tutilgan edi. O‘shanda Getlin qonida testosteron me’yoridan ortiq miqdorda bo‘lgani sababli to‘rt yilga diskvalifikatsiya qilingan edi.
Izoh (0)