O‘zbekiston termasining Yaman va Filippin bilan o‘yinlarini boshqaradigan hakamlar ma’lum bo‘ldi

O‘zbekiston milliy terma jamoasining Jahon chempionati—2018 ikkinchi saralash bosqichi doirasidagi Yaman hamda Filippin terma jamoalariga qarshi o‘yinlarida ishlaydigan hakamlar ma’lum qilindi. Bu haqda O‘zbekiston futbol federatsiyasi matbuot xizmati xabar bermoqda.

3-sentabr kuni Toshkentning “Paxtakor” stadionida bo‘lib o‘tadigan O‘zbekiston — Yaman uchrashuvini Janubiy koreyalik hakamlar brigadasi boshqarib boradi. Uchrashuv bosh hakami — Li Min Xu bo‘lsa, unga qanotlarda Choy Min Byong hamda Kim Yun Ga yordam beradi. To‘rtinchi hakam — Chorimurod Qurbonov (Turkmaniston). Uchrashuv nazoratchisi Muhammad Hamad Alsovayl (Saudiya Arabistoni). Komissar — Ahmad Shahir (Maldiv).

8-sentabrda o‘tkaziladigan Filippin — O‘zbekiston uchrashuvida esa avstraliyalik hakamlar ishlaydi.

Bosh hakam — Peter Grin, qanot hakamlari — Bred Hobson va Metyu Chiyzmen. To‘rtinchi hakam — Suayzi Shukri (Malayziya). O‘yin nazoratchisi Antoniy Jon D’Kosta (Hindiston). O‘yin komissari — Salikin Sarkavi (Singapur).