Misr prezidenti Abdulfattoh as-Sisi mamlakatda qizg‘in bahslar, dunyoda esa noroziliklarga sabab bo‘lgan terrorchilikka qarshi yangi qonunni imzoladi. Bu haqda “Korrespondent.net” xabar bermoqda.
Reuters agentligining ma’lum qilishicha, yangi qonun mamlakatda OAV erkinligini cheklaydi. Masalan, jurnalist sodir bo‘lgan terakat haqida rasman e’lon qilinganidan o‘zgacha xabar bersa, jarimaga tortiladi. Davlat xavfsizligi bilan bog‘liq jinoyatlarni ko‘rib chiqish uchun maxsus tribunallar tashkil etishga yo‘l qo‘yiladi, o‘z vazifasini bajarish chog‘ida zo‘ravonlikka yo‘l qo‘ygan askar va politsiyachilar javobgarlikdan ozod etiladi.
Qonun, shuningdek, terrorchilik hamjamiyatini tuzish va unga rahbarlik qilganlik uchun o‘lim yoki umrbod qamoq jazosini ko‘zda tutadi. Ularda ishtirok etganlarni esa o‘n yillik qamoq jazosi kutadi.
Eslatib o‘tish joiz, keyingi oylarda Misrda yuzlab askarlar va huquqni muhofaza etish idoralari vakillari teraktlar qurboni bo‘ldi.
Izoh (0)